যীচুৰ পৰীক্ষা , যীচুৰ কাৰ্য্য আৰম্ভণ পবিত্ৰ বাইবেল (নতুন নিয়ম) মথিয়ে লিখা শুভবাৰ্ত্তা ৪ৰ্থ অধ্যায় (১ - ২৫ পদ)

মথিয়ে লিখা শুভবাৰ্ত্তা

যীচুৰ পৰীক্ষা 

        (মাৰ্ক ১ :১২-১৩, লূক ৪:১-১৩)      

৪তেতিয়া  যীচু চয়তানৰ  দ্বাৰাই  পৰীক্ষিত হ’বলৈ আত্মাৰ  প্ৰভাৱত  আৰণ্যলৈ  গ’ল ৷ ২পাচে  চল্লিশ দিন  চল্লিশ ৰাতি তেওঁ লঘোন দি আছিল ;তাতে তেওঁক  ভোক লাগিল ৷ ৩তেতিয়া  চয়তানে  ওচৰলৈ আহি  তেওঁক ক’লে , 'তুমি  যদি  ঈশ্বৰৰ  পুত্ৰ  হোৱা , তেন্তে  এই  শিলবোৰক ৰুটি  হ’বলৈ  আদেশ  দিয়া ৷ ’৪ কিন্ত যীচুৱে উত্তৰ  দি ক’লে,  শাস্ত্ৰত  লিখা  আছে , মানুহ  কেৱল  ৰুটিৰে  নিজীয়ে,  কিন্ত ঈশ্বৰৰ মুখৰ পৰা  ওলোৱা প্ৰত্যেক  বাক্যৰেহে  জীয়ে ৷;  ৫তেতিয়া  চয়তানে  তেওঁক  পবিত্ৰ  নগৰলৈ নিলে ৷ তেওঁ  তেওঁক  মন্দিৰৰ  কলচীৰ ওপৰত  থিয় কৰাই,  ৬এই  কথা  ক’লে , 'তুমি  যদি  ঈশ্ৱৰৰ পুত্ৰ হোৱা,  তেনেহ’লে  নিজকে  তললৈ পেলাই  দিয়া,  কাৰণ  শাস্ত্ৰত কৈছে:  'তোমাৰ  বিষয়ে তেওঁৰ দূতবিলাকক  আজ্ঞা  দিব , তোমাৰ  ভৰিয়ে  যেন  শিলত  খুন্দা নাখায় , তাৰ বাবে তেওঁলোকে নিজৰ হাতেৰে  তোমাক দাঙি ধৰিব ৷’’  ৭ যীচুয়ে তেওঁক ক’লে , শাস্ত্ৰত  এই  বুলিও কোৱা  হৈছে , তুমি তোমাৰ প্ৰভু পৰমেশ্বৰক  পৰীক্ষা  নকৰিবা ৷ ৮ চয়তানে আকৌ  যীচুক  এটা  অতি  ওখ পৰ্ব্বতলৈ নিলে, আৰু জগতৰ  সকলো  ৰাজ্য  আৰু সেইবোৰৰ  ঐশ্বৰ্য্য-বিভূতি দেখুৱাই  তেওঁক  ক’লে , ৯তুমি যদি মোক দণ্ডৱতে প্ৰণাম কৰা , তেন্তে মই এই সকলোবিলাক তোমাক দিম ৷ ১০ তেতিয়া  যীচুৱে  তেওঁক  ক’লে  দূৰ হ চয়তান,  কাৰণ  শাস্ত্ৰত  কৈছে , তুমি কেৱল তোমাৰ প্ৰভু পৰমেশ্বৰক আৰাধনা কৰিবা , আৰু তেওঁৰেই  সেৱা  কৰিবা ৷’  ১১ তেতিয়া চয়তানে তেওঁক  এৰি  গুচি  গ’ল  আৰু স্বৰ্গদূতসকলে আহি তেওঁৰ  শুশ্ৰূষা কৰিলে ৷ 

গালীলত যীচুৰ কাৰ্য্য আৰম্ভণ

 (মাৰ্ক ১:১৪-১৫, লূক ৪:১৪-১৫) 

১২যীচুৱে  যেতিয়া  শুনিলে  যে,  বন্দী কৰা  হৈছে, তেতিয়া  তেওঁ  গালীলৈ গ’ল ৷   ১৩ তেওঁ  নাচৰৎ এৰি ,জবূলূন  আৰু  নপ্তালীৰ  সীমাত , সমুদ্ৰ্ৰৰ তীৰত  থকা কফৰনাহূ্মৈ গৈ ,তাত বসতি কৰিলে ৷ ১৪ যিচয়া ভাববাদীয়ে কোৱা কথা সিদ্ধ হ’বলৈ  তেওঁ  এই দৰে কৰিলে ৷ ১৫ জবূলূন দেশ  আৰু নপ্তালীৰ দেশ, সমুদ্ৰ  ওচৰৰ  পথ  আৰু যৰ্দ্দনৰ  সিপাৰে থকা  অঞ্চল,  আৰু  পৰজাতিবিলাকৰ  গালীল, ১৬অথাৰ্ৎ যিবিলাকে আন্ধাৰত  বাস কৰিছিল, তেওঁলোকে মহাজ্য়োতি দেখিবলৈ  পালে,  আৰু  যিবিলাকে মৃত্যু -ছাঁয়াৰ দেশত বাস কৰিছিল, তেওঁলোকৰ ওপৰত জ্য়োতিৰ উদয় হ’ল ৷' ১৭ সেই সময়ৰ পৰাই যীচুৱে তেওঁৰ বাণী প্ৰচাৰ কৰিবলৈ ধৰিলে : 'তোমালোকে  পাপৰ পৰা মন পালটোৱা , কাৰণ  স্ৱৰ্গৰাজ্য  ওচৰ হ’ল ৷’

চাৰিজন মাছ -মৰীয়ালৈ যীচুৰ আহ্ৱান 

(মাৰ্ক ১:১৬-২০, লূক ৫:১-১১) 

১৮ যীচুৱে গালীল সাগৰৰ পাৰত ফুৰোঁতে, দুজন ককাই-ভাইক দেখিলে: তেওঁলোক  হ’ল, চিমোন (যি জনক পিতৰো বোলে )  আৰু  তেওঁৰ  ভায়েক  আন্দ্ৰিয়ক ৷  তেওঁলোকে  জালেৰে সাগৰত  মাছ ধৰি আছিল,  কাৰণ তেওঁলোক মাচ মৰীয়া আছিল ৷ ১৯ তেওঁ তেওঁলোকক  ক’লে ,'মোৰ পাচে পাচে আহাঁ, মই তোমালোকক মানুহ ধৰা  জালোৱাই কৰিম ৷’ ২০তেতিয়াই তেওঁলোকে নিজৰ জাল এৰি  থৈ , যীচুৰ অনুগামী হ’ল ৷ ২১ তেওঁ সেই  ঠাইৰ পৰা আগুৱাই গ’লত , আন দুজন  ককাইক  ভাইক দেখিলে ৷ তেওঁলোক আছিল,  চিবদিয়ৰ পুতেক যাকোব আৰু  তেওঁৰ ভায়েক যোহন; তেওঁলোকৰ  বাপেক চিবদিয়ৰে সৈতে তেওঁলোকে নাৱত জাল বাতি  আছিল , যীচুৱে  তেওঁলোককো মাতিলে ৷  ২২তেতিয়াই তেওঁলোকে নাওখন আৰু বাপেককো সেই ঠাইতে এৰি , যীচু অনুগামী হ’ল ৷ 

যীচুৰ উপদেশ আৰু ৰোগী সুস্থ কৰা কাৰ্য্য 

(লূক ৬:১৭-১৯) 

২৩ যীচুৱে গলীলৰ সকলো অঞ্চললৈ গৈ নামঘৰ বিলাকত উপদেশ দি,  ঈশ্বৰৰ  ৰাজ্যৰ  শুভবাৰ্ত্তা প্ৰচাৰ কৰিলে,   আৰু  মানুবিলাকৰ  সকলো  প্ৰকাৰৰ ৰোগ ব্যাধি  সুস্থ  কৰিলে ৷  ২৪ তাতে তেওঁৰ  যশস্যা গোটেই  চিৰিয়া দেশত বিয়পি  গ’ল  আৰু  ভূতে পোবা ,আঁৱৰীয়া , জঠৰ-ৰুগীয়া আদি কৰি  বিভিন্ন ৰোগত  আৰু  যাতনাত পৰাবিলাকক তেওঁৰ ওচৰলৈ  আনিলত , তেওঁ তেওঁলোকক সুস্থ কৰিলে ৷  ২৫ গালীল,  দিকাপলি , জেৰুচালেম , যিহূদিয়া আৰু যৰ্দ্দনৰ সিপাৰৰ পৰাও মানুহৰ এটা ডাঙৰ দল , তেওঁৰ অনুগামি হ’ল ৷

বাইবেল কুইজঃ

১/চয়তানৰ দ্বাৰাই পৰীক্ষিত হ’বলৈ কাক আত্মাৰ দ্বাৰাই অৰণ্যলৈ নিয়া হৈছিল ?

উত্তৰ:যীচু(৪:১)

২/যীচুক পৰিক্ষা কোনে কৰিছিল ? 

উত্তৰ :চয়তানে ৷

৩/যীচু বাপ্তিষ্মা লোৱাৰ পিছত লঘোন দিবলৈ ক’ত গৈছিল?

উত্তৰ:যিহুদিয়া অৰণ্যত (৪:১)

৪/যীচু কিমান দিন লঘোন আছিল ? 

উত্তৰ:চল্লিশ দিন চল্লিশ ৰাতি লঘোন আছিল ৷

৫/তুমি যদি ঈশ্বৰৰ পুত্ৰ হোৱা তেন্তে এই শিলবোৰক ৰুটি হ’বলৈ আদেশ দিয়া যীচুৱে উত্তৰত কি কৈছিল?

উত্তৰ:মানুহ কেৱল ৰুটিৰে নিজীয়ে, কিন্তু ঈশ্বৰৰ মুখৰ পৰা ওলোৱা প্ৰত্যেক বাক্যৰেহে জীয়ে ৷

৬/চয়তানে যীচুক এৰাৰ পিছত কোনে  তেওঁক শুশ্ৰুষা কৰিছিল?

উত্তৰ:স্বৰ্গৰ দুতবিলাকে (৪:১১)

৭/যোহনক বন্দী কৰা সময়ত যীচু ক’ত আচিল ?

উত্তৰ:কফৰণাহুম(৪:১৪,১৬)

৮/যীচুৱে পিতৰক কত লগ পাইছিল ?

উত্তৰ:গালীল সাগৰৰ তীৰত (৪:১৮) ৷

৯/  যীচুৱে আহ্বান কৰা চাৰিজন মাছমৰীয়াৰ নাম কি কি আছিল ?

উত্তৰ : চিমোন(পিতৰ), আন্দ্ৰিয়, যাকোব আৰু যোহন ৷

১০/মোৰ পাচে পাচে আহাঁ মই তোমালোকক  মানুহ ধৰা জালোৱাই কৰিম বুলি কোনে কৈছিল?

উত্তৰ:যীচুৱে ৷

১১/ পিতৰৰ আন এটা নাম কি? 

উত্তৰ:চিমোন(৪:১৮)

১২/পিতৰৰ ভাূয়েক কোন হয় ?

উত্তৰ:আন্দ্ৰিয়(৪:১৮)

১৩/চিবিদিয়াৰ সন্তানসকল কোন কোন ?

উত্তৰ:যাকোব আৰু যোহন (৪:২১)

১৪/ যাকোবৰ ভায়েক কোন হয?

উত্তৰ:যোহন (৪:২১)

১৫/যাকোব আৰু যোহনৰ পিতৃ কোন হয় ?

উত্তৰ:চিবদিয়(৪:২১) ৷

১৬/গালীল দেশৰস নামঘৰত যীচুৱে কি প্ৰচাৰ কৰিছিল ?

উত্তৰ:ৰাজ্যৰ শুভবাৰ্তা(৪:২৩)৷